यस्तो कठोर यात्रा एक्लै कटाउँदैछु ।
सम्झेर साथ तिम्रो हिम्मत बढाउँदैछु ।
आकाशमाथि हेर्दा ताराहरू नियाल्दा
बुझ्नू तिमी इशारा माया पठाउँदैछु ।
गन्तव्यसम्म पुग्ने बाटो सफा गरेर
तिम्रा अगाडि पर्ने काँडा हटाउँदैछु ।
पाएँ सप्रेम निम्तो स्वागत गरेर बस्नू
छिट्टै हुनेछ संगम दूरी घटाउँदैछु ।
मेरो निमण्त्रणामा आयौ विभोर बन्दै
सौगात के चढाऊँ आत्मा चढाउँदैछु ।
No comments:
Post a Comment